गणपतीचा दंडवत

 दंडवत सांग माझा दंडवत सांग । धृ ।

मोरगावच्या मोरयाला । रांजणगावी गणपतीला ।
थेउरीच्या चिंतामणीला । दंडवत सांग । १ ।
लेण्याद्रीच्या गिरीजात्मजा । महडच्या वरदराजा ।
गौरीपुत्रा गजवक्त्रा । दंडवत सांग । २ ।
पालीचा बल्लाळेश्वर । ओझरीचा विघ्नेश्वर ।
सिद्धटेकच्या विनायका । दंडवत सांग । ३ ।
आगरातल्या गणपतीला । नांदगावी मोरयाला ।
कड्यावरच्या गणपतीला । दंडवत सांग । ४ ।
प्रभादेवीचा सिध्दीविनायक । वैजनाथचा षडभुजांग ।
पुळ्याच्या गणपतीला । दंडवत सांग । ५ ।
हिमालयाच्या बद्रीगणेशा । प्रयागीच्या ओम गणेशा ।
गिरीनारी रेवती गणेशा । दंडवत सांग । ६ ।
पुण्यक्षेत्री दगडुशेटचा । वसे सारसबागे मधला ।
मान पहिला कसब्याला । दंडवत सांग । ७ ।
कोकणातल्या हेदवीमधला । ढोल्या गणपती वाई मधला ।
विघ्नहर्ता सांगलीचा । दंडवत सांग । ८ । 
दंडवत सांग माझा दंडवत सांग । धृ ।